1,353 ka mga miyembro ang nakabenepisyo sa gipahigayong free clinics ug health services sa Tagum Cooperative (TC) sulod sa unom ka adlaw gikan Marso hangtod Abril 2017.
Gipahitabo ang maong programa uban sa mga mosunod nga serbisyo: Fasting Blood Sugar (FBS) ug Cholesterol test, Eye Screening, Dental Screening ug Tooth Extraction, Body Mass Index (BMI) ug Operation Tuli.
Sa unang adlaw, Marso 11 sa TC Matina Branch, kini gisalmutan sa 245 ka miyembro; Ikaduhang adlaw, Marso 25 sa TC Mintal Branch, gitambungan kini ug 194 ka miyembro; Ikatulong adlaw, Abril 1 sa TC Main Branch, 249 ka miyembro ang niadto ug nakabenepisyo; Ika-upat ka adlaw, Abril 8 gipahitabo sa TC Panabo Branch, 230 ka miyembro ang misalmot; ikalima ka adlaw, Abril 22 sa TC Sto. Tomas, 202 ka mga miyembro; Ug sa ikaunom ka adlaw niadtong Abril 29 nga gipahigayon sa TC San Francisco Branch, kini gitambungan ug 233 ka mga miyembro. Gipangunahan kini sa MBA-HPP sa Tagum Cooperative uban ang tabang ni Onebeth Serado para sa FBS ug Cholesterol test, Prosight sa Eye Screening, Hermigilda Ebba, DDM sa Dental Screening ug Tooth Extraction, Abbott Nutritions para sa BMI ug mga nagkalain-laing grupo para sa Operation Tuli.
Pinaagi sa makanunayong panaghiusa ug pagtinabangay sa mga miyembro sa kooperatiba, gilauman nga daghan pang musunod nga mga buluhaton ang ipahigayon nga makatabang ug makapabenepisyo sa kadaghanan.