1,189 ka residente sa Davao del Norte ang nakabenepisyo sa duha ka adlaw nga libreng serbisyo nga guitanyag sa Tagum Coop Funecare (TCF) sa La Filipina Public Cemetery, Tagum City panahon sa pagbisita sa mga minatay kaniadtong Nobyembre 1 ug 2.
Gimugna sa TCF ang “Feast of All Souls Community Service” kung diin nakabaton ang mga katawhan ug libre nga pagkuha sa blood pressure, libreng gupit, ingon man ang masahe, snacks ug tubig.
Ang maong programa pamatuod na naga-offer dyud ug “from womb to tomb” services ang Tagum Cooperative. Matud pa ni Ms. Maria April V. Villanueva, TC Funecare Manager “Ang Tagum Coop Funecare buot nga maghatag ug ginagmay na pahalipay taliwala sa kamingaw sa atong mga minahal na
mipanaw na, buot usab namo mag hatag ug libreng serbisyo tungod kay daghan gyud tao ang mubisita atul sa kalag-kalag.”
Ang Funecare ang usa sa upat ka business line sa Tagum Cooperative inubanan sa Savings and Credit Group (SCG), Member Benefit and Assistance (MBA) ug Ancilliary Service (Budgetel and Commercial Spaces). Nahimutang ang Tagum Coop Funecare 1 sa Purok 4, Sitio Santol, La Filipina, Tagum City ug Tagum Coop Funecare 2 sa Km. 54, National Highway, Tagum City ug makontnak sa cellphone numbers – Globe: 0917-7091520, 0917-8148249, 0917-7703056 ug Smart: 0998-5901377, 0908-8869716, 0998-8682289 or landline numbers (084) 655-6767 ug (084) 655-9105. Sa Tagum Coop Funecare, we make it special. (Tagum Coop)